Maftuningman sizlar uchun lirik chekiniw

Бир лаҳзада ҳаётим бўлди остин-устин

Қочаяпман суянишга тополмай устун

Сўраманг: Кимдан қочаяпсан? Нима учун?

Нима экан-ҳаётингдан бўлолган устун? Баъзилар қочишади: сабаб: хиёнат

Баъзиларга-чи баҳона бўлар садоқат

Яна кимлардир қочади қилар надомат

Мен эса қочаяпман йўқдир матонат Ҳаётим шунақа тугаса ҳайҳот

Бутун орзуларим бўлди-ку барбод?

Орзусиз одам ҳам яшайдими? Наҳот?

Қочаман армонларга тополмай нажот Рабдан амр келмаса чиқмас ҳеч бир жон

Агар келса-чи? Ҳеч ким қолмайди омон

Билмайман менга амр келар қай вақт? Қачон?

Сабрим етмас. Қочаяпман ажалим томон Қочаяпман ўзимдан: билмайман қаён?

Қочаяпман ўзимдан: билмайман ҳамон

Қочаяпман ҳаммадан: яшириниб, пинҳон

Қочаяпман ўзимдан: қайтаман қачон? Балки сира қайтмасман: қайтмасман асло

Балки умрим охири-шу вақт, шу асно

Балки ухлаб ётгандирман кўраяпман туш:

Балки бу қочиш хаёлотдир, сароб ё рўё? Кочмаслик чун йўқдир бирор важ-корсон

Ё менга кўрсатасизми шунақа имкон?