Амир Темур огитлари. Уз бобокалонларимиз хакидаям гапирсак арзир.
Агар икки хатарлик ёки бир хатарлик ишни қилишга тўғри келгудек бўлса, икковидан баробар қутулиш чораси топилмагач, бир хатарини ихтиёр этмоқ керак
***
Бир ишга киришмай туриб, ундан қутулиб чиқиш йўлларини мўлжаллаб қўй.
***
Қилмоқчи бўлган ишларини қилмасдан қолдирмасинлар. Агар бирор ишни қилмасликка сўз берар эканлар, яқинига ҳам йўламасинлар. Хотирдан чиқмасинким, Тангри таоло жасур кишиларни ардоқлайди.
***
Юз минг отлиқ аскар қила олмаган ишни бир тўғри тадбир билан амалга ошириш мумкин.
***
Уламо билан суҳбатда бўл ва пок ниятли, тоза қалбли кишиларга талпин. Буларнинг ҳимматларидан улуш тиланиб, муборак нафаслари билан дуо-фотиҳа беришларини илтимос
қил.
***
Ҳар кимнинг қадр-қимматини, тутган мавқеини ва ҳар нарсанинг ўлчовини белгилаб олишинг ва шунга мувофиқ иш юритишинг керак.
***
Ақлли душман жоҳилу нодон дўстдан яхшироқ.
***
Чин дўст улдирки, дўстидан ҳеч қачон ранжимайди, агар ранжиса ҳам, узрини қабул қилади.
***
Чораси бўлмаган ишга киришма, чунки ундан қутулиб бўлмайди.
***
Бир кунлик адолат— юз кунлик тоат-ибодатдан афзал.
***
Бир кун келадики, золим ўз бармоқларини тишлайди.
***
Ёзилган нарса авлодлар хотирасида қилинган ишдан ҳам узоқроқ яшайди.
***
Бўридан қўрққан ўрмонга кирмайди.
***
Вақт ўтгандан кейин қиличингни тошга чоп
***
Ваҳима— душманнинг йўлдоши.
***
Душманнинг кулгани— сирингни билгани.
***
Душмандан қўрқма, мунофиқдан қўрқ.
***
Емсиз от довон ошолмайди.
***
Номуссиз ҳаётдан, номусли ўлим яхши.
***
Олтмишга кирган отадан ош сўрама.
***
От минган отасини унутади.
***
Оғзингга қон тўлса ҳам душман олдида тупурма
***
Қилич ўткир бўлса-да ўз сопини кесмагай.
***
Сўзлагувчи гар нодон эрур, тинглагувчи доно ўлсин.
***
Той минган— от ҳам минади.
***
Туя минган одам қўй орасига бекинмас.
***
Кечира олишлик— мардлик, кечира билмаслик номардлик саналади.
***
Қонни қон билан эмас, сув билан ювишни ўрган.
***
Энг баланд минора ҳам ердан кўтарилгай.
***
Яхши ит ўз ўлигин кўрсатмагай.
***
Яхши одам юрт тузар, ёмон одам юрт бузар